Имарт Хороолол салбарын Ажлын байрны нээлттэй өдөрлөг

Өнөөдөр (8-р сарын 23-ны өдөр) СКАЙ ХАЙПЕРМАРКЕТ ХХК, БГД-ын Хөдөлмөр Халамжийн Үйлчилгээний Хэлтэстэй хамтран сар гаруйхны дараа нээгдэн үйлчилгээгээ үзүүлж эхлэх ИМАРТ ХОРООЛОЛ САЛБАР-ын НЭЭЛТТЭЙ ажлын байрууддаа сонгон шалгаруулалт явууллаа.

Одоогоор БГД-ын Хөдөлмөр Халамжийн Үйлчилгээний Хэлтэст бүртгэлтэй нийт 1,100 орчим ажилгүй иргэд байдаг юм байна.

Имартын анхны салбар нээгдснээр нийт 500 гаруй ажлын байр бий болж байсан бол ИМАРТ ХОРООЛОЛ САЛБАР ашиглалтанд орсноор нийт 250 орчим ажлын байр шинээр бий болох юм. Худалдааны зөвлөх, кассын ажилтан, бараа бэлтгэгч, ачигч гэх мэт ажлын байрууд нээлттэй байгаа бол өдөрлөгт оролцогчид кассын ажилтан, худалдааны зөвлөхийн ажлын байрыг хамгийн ихээр сонирхож байлаа.

Ажлын байр сонирхож буй иргэд 8-р сарын 23-25-ныг дуустал БГД-ийн ХХҮХ-т очиж ажил горилогчийн анкет бөглөх боломжтой юм.

ИМАРТ ХОРООЛОЛ САЛБАР нь бидний нэрлэж заншснаар 3, 4-р хорооллын эцэс, Соло молл дэлгүүрт нээгдэх бөгөөд хамгийн шилдэг үйлчилгээтэй дэлгүүр Баянгол, Сонгино-Хайрханчуудад илүү ойртож байгааг дуулгахад таатай байна.

Мөн та Имартын гишүүнчлэлд элсэж картаа авч амжаагүй бол 8/31-нийг дуустал өдөр бүр 11:00~18:00 хүртэл Имарт хороолол салбарыг зорин гишүүнээр элсэж Скайтелын дугаар бэлгэнд авах боломжтой.